75 NING HPRING LUNGSENG JUBELI CHYEJU SHAKAWN HPAWNG

April 22 - 25 laman hta Mungmau ginwang Dima buga kaw galaw ai 75 ning Lungseng Jubeli chyeju shakawn hpawng hta, Mara  Raw Wunli akyu hpyi hpawng hta Mungga htawn nhtawm, Hkalup hkam na marai 95 hpe Chyum laika sharin ya let wa shang lawm lu nngai.

BUM TSIT MYEN HPYEN YEN NI HTE CHYUM LAIKA HKAJA

Manmaw Ginwang Dum Buk Bung hpung, Bum Tsit Myen hpyen yen ni hte arau Chyum Laika mungga jawm madat hkam la nga yang ..... ( 14 - 16, April, 2014 )

SHADAN KUNG SASANA SHANG (25) NING HPRING CHYEJU SHAKAWN HPAWNG

April shata 7 - 13 ya shani du hkra galaw ai, Shadan Krung Buga Hpung ni a Sasana shang 25 ning hpring chyeju shakawn hpawng hta shang lawm lu ai.

HKASHANG (25) NING SASANA SHANG CHYEJU SHAKAWN

Hkashang ni a 25 ning hpring chyeju shakawn masat Hkristan Manau nau ma ai. Rai tim, Manau hpe n ra ai , hpunau ni gaw, Miwa asuya ni hpe, Shadaw 6 re mahtang gaw Shanglawt asuya ni a kahkyin gumdin ai masa she re ngu nna sa mayun shana kau dat ai majaw, Seng ang ai asuya ni, Mare uphkang du ni, Htunghking ni yawng hte jahkrup da ngut sai raitim, ya na zawn bai baw kau hkrum ai re nga ma ai.

Ndai gaw Hpung labau hta mung, Myu sha ni a labau hta mung shaprai n mai , malap n lu re mau mwi langai tai nga na sai. Baw kau lu na matu, tsawm ra mi jahkrum la yak taw ai hpe mung mu lu ai, Baw kau na shaloi ya na zawn rai Hpungup sara kaba ni akyu jawm hpyi jahtau ma ai, hkrap ai ni gaw hkrap, gai maroi n ni hpa she rai mat sai rai nga ai.

Manau gaw Nat Ka n re, Htunghking shingni ka manawt dingsawt ai sutgan amyu mi she re ngu ai hpe yawng chye na hkap la jang, mungkan hta grai tsawm htap ngangkang ai labau lasang matut nna shagrin da lu na re ngu jawm makawp maga sa wa ra nga ga ai re.

HKASHANG, SHARAW KAWNG, SHADA KRUNG BUGA NAWKU DINGSHAWNG

Hka Shang , Sharaw Kawng , Shada Krung Buga hpung ni a Nawku Jawng Dingshawn hte, Sasana shang ai 25 ning hpring chyeju shakawn Hpawng.

HKANAN BUGA NAWKU JAWNG DINGSHAWN

Xishan Buga Gin Jaw nawku Jawng, Bangbut nawku Jawng dingshawn shang lamang, Hkanan Buga Hpung ngu ai shangai jat la lu sai.

NAMHKAM JAW CAMP KAWN CHYUM LAIKA SHARIN

2014 Ning February 26 ya shani Namhkam Jaw Camp kaw na Myen Hpyen yen ni hpe Chyum Laika sa sharin ya nga yang .....

CHYUM LAIKA SHARIN HPAWNG

Mungmau Ginwang Nam Hkyek Buga Kawa la ni hte, Mung Ya buga Kawa La ni a n-gun ban hpawng kaw Chyum Laika sa sharin ya lawm nngai.

(37) LANG NA KBC MUNG SHAWA ZUPHPAWNG HTA

March 25 - May (1) laman gaw (37) lang na KBC mung shawa zuphpawng kaw wa du shang lawm kau da lu sai, Miwa mung na hpung masha ni (100 jan) hte arau Sasana report lamang hta shang lawm sai.

MAGAM GUN NNAN NI HPE N GUN JAW

20 - 23 / 3 / 2014 ya laman Mungmau ginwang Mungwi buga magam gun nnan ni hpe (Gal.6:9) hta rawng ai mungga hte n-gun jaw sharin ya sai. Mungwi Buga gaw 2022 ning hta Jaw 100 chyeju shakawn hpawng kaba galaw na re.

MUNGKAN A NHTOI SASANA JAWNG KAW CHYUM LAIKA SHARIN

17-18 / 3 / 2014 ya laman, (9) lang na Namhpaka Buga ni hpaw da ai Mungkan a Nhtoi Sasana jawng ma ni hpe Chyum laika bai sa sharin ya lu .

March 11 - 14 / 2014 ya hta Nam Hkyek Kawa la ni hte, Mung Ya Kawa la ni hte rau n-gun ban hpawng kaw Lakjet hte n-gun jaw ....

MUSE WA LA NI HPE MUNGGA HTE N GUN JAW

2014 ning March 7-8 ya shani Muse wa la ni hte Namtau Kawa la ni a Kanawn mazum hpawng hta Mungga hte n-gun jaw shang lawm ....

NAMHKAM JAW CAMP CHYUM LAIKA SHARIN HPAWNG

2014 ning Febuary 26 ya shani Namhkam Jaw Camp kaw shani tup Chyum laika sharin ya

JAW 100 NING CHYEJU SHAKAWN HPAWNG

"Sakhkrung ga na Sasana Jaw 100 Chyeju Shakawn Hpawng amang"

Miwa Gumsan Mungdan, Sakhkrung mungdaw, Ruili nmau ginwang, Dingga mare de Nba Pa kaw na Rev.Damau Naw hte Sasana Sara Kaba J.Frank Ingram yan shawng du shang wa nna, Yesu Hkristu a kabu gara ai shiga sa tsun dan ai majaw, 7 / 2 / 1914 ya shani htinggaw 14 nat hkyawt kau nna hpung shang hpang wa sai re. Dai gaw Miwa mung na Kachins amyu ni kaw shawng nnan na Wenyi asi tai hpang ai lam mung rai nga ai. Dai majaw dai ning gaw 100 ning hpring sai hte maren, 20-23 / 2 / 2014 ya shani hta 100 ning Jaw Poi hpe wu wu di di galaw lu saga ai re. Ndai Jaw Poi hta myit malai hkalup hkam la ni hpe Chyum laika sharin ya nngai, Myit malai hkalup hkam ai marai (65) re, Hpt.dang la ai marai 3, rai nna, Hpslg.dang la ai mung 3 re, Htunghki kungdawn lit hte sa du shang lawm ai ni lit (40) re lam mung chye lu ai.