SHI CHYEJU

Daining gaw, Karai Kasang a chyeju hte,  Chyeju Dum Poi Mungga hpe shara 15 hta htawn tsun n-gun jaw, shang lawm shakawn lu nngai .

MAKAM MASHAM A SAKSE MASAT

Myen mungdan hta gaw, Bukdah mungdan re majaw, Manu dan ai anhte a buga ginra ni hpe Akyu hpyi bum ngu masat ai shaloi, ya na zawn Wudang ni hpe grak lagra jun da ra nga ai. Hpa majaw nga yag shanhte gaw mu mada ai hpe naw ai ni re majaw, shanhte mu mada ai hpe ahkyak da ya na matu grak lagra nan galaw da mai nga ai. Dai shaloi gaw shanhte n gwi hkra sai. Rai timung dai hpe anhte gaw kadaw naw na matu n rai nga ai, anhte nawku na matu n rai nga ai, Chyum laika kaw ning nga ai, ( Pru 20:3-6, Shk.Kd 115:4-8, 135:15-18 ) Anhte gaw n mu mada lu ai Wenyi Hpung shingkang hte Karai hpe matut mahkai ai ni she re majaw, Mu lu ai hpe gaw masat dingsat hku sha mai lang nga ai ngu mu mada lu nngai.

HU YUP MANNAWNG CHYEJU DUM POI

Sasana ginra rai nga ai Miwa hkran Hu-yup Mannawng ni a Chyeju Dum poi kaw, ( 2 HKawhkam Labau 29:31 kaw na Chyum Ga hte atsawm n-gun jaw kau da sai.

BUMSEN CHYUM SHARIN HPAWNG

Lung Chon Ginwang, Yaw Dau Buga,  Bumsen ngu ai mare gaw, grai naw hpang hkrat ai, grai naw kaji kadun ai, grai naw yak ai .... mare kahtawng re, gat mung n nga ai, Ph line mung n hkrak ai , Mare kaba hte mung tsan dik ai kaw Chyum laika 2 ya wa du sharin ya kau nngai .... Hpung masha ni nja nhpra hkan shakram dat ma ai ....

PAWT MAYU WA SAI LU

Mying gun ai gaw Jinghpaw Rida Maka

Galaw sha ai gaw Maigan myu sha ni wa,

Ndai zawn re Maka hpan 8000 jan nga ai

Wunpawng sha ni kadai n kam hkaja sai,

Ngai Wunpawng shd langai hku nna sha gaw

Hpa mung n chye galaw, myit mung n pyaw,

Tinang a sutgan kaja hpe tawn kau da nna

Masha maigan ni kaw sa nga nan mat ai wa,

Karai a shaman chyeju dumhprut mat na yaw

Dai majaw Tinang a htunghking manu shadan ga law ....

SAKKUNG CHYEJU DUM POI

DU SAT HKUNGGA NAWNG LET CHYEJU SHAKAWN

KADE NAW RAI NA KUN?

Hpilip gaw, Gumhpraw 200 tsa a matu mari ti mung, masha hkum shagu, kachyi mi hpra sha na pyi law na n rai, ngu nna htan wu ai.(Yawhan 6:7)

1/- Tsaw ra ai manaw manang ni e .......

Ya yang nang kaw hpabaw gan lu da nga nni ?

Gumhpraw kate sha lu nna, n law dum ai majaw myit kaji nga nni ?

Ma ni san poi ten du wa nna, grai myit ru myit yak nga nni ?

(2 Hkhk 4:2) Shi gaw, “Na a matu hpa galaw ya na rai nga a ta?,

ngai hpe tsun dan rit, nta e nang hpa lu tawn da n ni?,” ngu nna san wu ai. Shi gaw, “Tsanlun sau di bu kaji hta kaga, hpa mung ngai n lu nngai,” ngu nna htan wu ai.

Ndai Gaida jan hkan nu ni sau dibu mi hte matsan bran masai ...

Yesu a hpang hkan masha 5000 jan wa, Nga 2 muk 5 hpe pyi n ma sha ai ...

Karai gaw shalaw ya lu ai wa re hpe anhte malap ai i ? n kam ai i ? ...

2/- @ Makam n nga nna, N chye nna dinglun ai ni @

- Shanglawt ni laknak gaw lu nna, Asuya hpe ninghkap gasat masu ma ai kun i ?

- Nbung Li gap ai hpan Sinat i gaw lu ma ai da i ?

- Myawk sinat kaba mung n lu sam ma ai le ? ...

- Masha n-gun mung n law ai wa ... n kam ai n kam ai ... ?

- Hpaji mung masha ni ram n chye shi ai wa , chye ... myit htum ya nngai lo ...

Taw ... hpa wa mi myit kaji bu nga myit ni ???????????????????

Hpa wa mi myit ru si nga myit ni ?

Anhte gaw " Special Super Power " Madu Karai Kasang lu ai n re i ?

Hpa majaw wa Hpilip zawn nga n kam si nga myit ni ?

3/- Anhte galaw ra na daw ... anhte a lit gaw ...

- Anhte lu ai mahkra hpe Karai kaw ap na ... shalaw ya rit ngu ra ai ...

- Chyinghkrang tum daram re makam masham kaw na hpang na ...

- KIA/KIO ni lu ai Sinat laknak machyu pala mahkra hpe kyu hpyi ap ga ...

- Ginjaw, Dap Ba, Dap Dung, Dap Kung, Dap Bawn, ginra lamu a matu ...

- Kaduk hte, hpun hpang wahpang, mahkra a shing byi Lunghkrung

- Karai kaw akyu hpyi apnawng ya ga ...

- Nang lu ai ja gumhpraw n law n la kachyi sha re, alap agyap hpe lusha hpe,

- Yesu zawn chyeju shakawn apnawng dat yu u ... law wa na ra ai ...

( Sakse hkam na ) Ngai Jawng naw lung ai shaloi ...

Jahpawt shagu jap htu 100 tan mari la nna shat sha rai nngai ...

Lana mi na laban hta gaw, Chyum laika kaw matep da ai

Alu bang na ngu shangam da ai, Myen gumhpraw 200 sha ngam sai ...

Ayan na shana she Poidaw sha sha re gaw ...

Shaloi ngai lu ai 200 ndai ... alu bang dat jang gaw

Hpawtde jap htu n katut sai ngu ... alu hta ai wa du wa magang

Ngai na lata ni gari taw nga ai ... myi di chyip bang sai loooo ...

Yup ra du ai hte wa, ngai hte arau yup ai manang wa me ...

Hkau ... daini nga chyeju hkam la nngai ... maw nang mung

loi mi hkamsha lawm u nga nna me M-5000 shaw ya ai majaw ...

Ara law ... aw Karai e ... hkrap myiprwi she pru mat nngai le ...

La kaja re ngu sharang yu tim kabu myiprwi gaw ...

Chyeju ngu ai sakse hkam na matu alwi taw nga nu ai yaw ...

Kaja wa byin ai lam re ... Tsaw ra ai manang ni yawng mung ...

Ndai Mungga hpe hti nna kachyi mi sha pyi n-gun lu la u ga ngu ...

Htawn tsun dat nngai law...

Yawng hpe Karai teng teng shaman ya u ga law ... ... ...

ASAK KABA SAI NI A CHYEJU DUM POI

Nba Pa buga hpung ni galaw ai Kaji Kawoi ni a Chyeju dum poi hta asak kaba sai ni 100 jan sa shang lawm ma ai. Hkam ja lam mung jep ya .... Chyum laika mung sharin ya, Kanawn mazum gamung nu jahta rai ra n-gun ban ai lam hpe galaw lu masai re.

CHYEJU DUM HKUNGGA

Nat galaw ai n re ngu ai hpe sanglang dan mayu nngai ....

Yesu Hkristu si hkam ya ai gaw, Yubak mara ngarai lam hta myit mada shara n nga mat sai ni hpe htani htana asak jaw ya lu na matu, si hkam ya ai "Gawng Malai Hkungga" rai nga ai.

Kadai mung kade a htunghking ningli hte Yesu Hkristu hpe (Contextual) ginra masa hta hkan ai makam hkringhtawng hte, n kam n sham shi ai sai daw ai chyen ni a matu kasi ningli kaja tai lu na matu ndai "Mangai shagu Hkungga" nawng jau ai lam gaw grai ahkyak nga mali ai re ....

Ndai Chyinghtawng Pa Buga hpung ni gaw shaning shagu ndai hku galaw ma ai, laika ka ai wa hku nna mung 2 ning sa shang lawm lu nngai, lamang hta lit mung shatsam hkrum nngai. Dai majaw, ndai shakawn hkungga nawng jau ai poi gaw, "Mara raw Gawng malai Hkungga" nawng jau ai poi n rai malu ai ngu mu mada nngai ....

Karai Kasang anhte hpe hpan da ya ai, Namsi namsaw amyu myu, Nhprang sut rai amyu myu, Dusat du myeng amyu myu, Mawdaw Jak rai amyu myu, ngwi pyaw hkam kaja ai chyeju, Kashu kasha mayat maya maden zinghka re chyeju ni hpe hti ndang tsun n ma re lam ni hpe, ta tut hkrang shapraw let, "Chyeju Dum Shagu Hkungga" nawng jau ai lachyum hku galaw ai rai malu ai.

Ndai zawn rai galaw ai a majaw, shanhte buga gaw nsi naisi mung grau ring wa ai, U, Wa, Yam nga ni mung grau mayat wa ai, hkam la ai chyeju grau grau jat wa ai nga nna sakse mung hkam nga ma ai.

Dai majaw, chyinghtawng Saga Pa buga hpung ni a "Chyeju Dum shagu Hkungga" sak nawng jau ai lamang hte seng nna, dinglun ai ni mung nga na nhten, bai nna n-gun lu ai ni mung nga na nhten, ngu nna ndai lam hpe sanglang tang shana dat nngai law. Lama na chye mayu ai lam naw nga yang naw san jahta mai ai lam mung numhtet dat nngai law.

SAGA PA CHYEJU SHAKAWN HPAWNG